ഇത്രയെങ്കിലും
ഇത്ര വിഷം കുടിച്ചില്ലെങ്കിലെങ്ങിനെ
ഇക്കണ്ട കാലം കവിയാകും ?
ഇത്ര വലിയ ശിലയുരുട്ടാതെ ഞാന്‍
എങ്ങിനെ ഭ്രാന്തന്‍മല കയറും ,
വാക്കില്ലാ കാട്ടില്‍ നിലവിളിക്കുന്നൊരാ
വാല്‍മീകി വംശനെ കണ്ടു നില്‍ക്കും ?
കുട്ടു കിടന്നു പനിച്ച പഴമയെ
പാട്ടില്‍ ഇറയത്തിരുത്തിവെക്കും ?
ഇത്ര വിഷം കുടിച്ചില്ലങ്കിലെങ്ങിനെ
നഷ്ടസ്‌മൃതികളെയോര്‍ത്തിരിക്കും ?
തീപ്പെട്ട സ്വപ്‌നത്തില്‍ പട്ടയം കാക്കുന്ന
കാട്ടു കരച്ചിലില്‍ മുങ്ങി നില്‍ക്കും ?
ദീന വിലാപ സ്‌മൃതികളെ വിറ്റൊരു
കൂനന്‍ കവിയായവതരിക്കും ?
ഇത്ര വിഷം കുടിച്ചില്ലെങ്കിലിന്ത്യയില്‍
ചിത്തഭ്രമം വന്നു ചത്തുപോവും.
ഇത്ര പറഞ്ഞു പിരിഞ്ഞുപോയില്ലെങ്കില്‍
എത്ര ചതിയെന്നോര്‍ത്തുപോകും.
0 comments:
Post a Comment