Showing posts with label കവിത. Show all posts
Showing posts with label കവിത. Show all posts

Friday, September 11, 2009

കവിത

മരണത്തെ
പേടിച്ചിട്ടാണ്‌
ഞാന്‍
കവിതകളെഴുതുന്നത്‌.
.
ജീവിതത്തെ
പേടിച്ചിട്ട്‌
നിങ്ങള്‍
സമ്പന്നരാവുന്നതുപോലെ


Read more...

Thursday, August 27, 2009

അയല്‍ക്കാര്‍

നിങ്ങള്‍ പറഞ്ഞതൊന്നും
ഞാന്‍ കേള്‍ക്കുന്നില്ല
കടക്കെണി
അപവാദം
മനസ്സമാധാനമില്ലായ്‌മ
ഉറക്കക്കുറവ്‌
ഇതൊന്നും ഞാന്‍ കേള്‍ക്കുന്നില്ല
നിങ്ങളുടെ മരണം
ഞാനറിഞ്ഞത്‌
കാലത്ത്‌ പത്രം വന്നപ്ലോഴാണ്‌
തീര്‍ച്ചയായും ഞാന്‍ വരും
നമ്മള്‍ അയല്‍ക്കാരാണല്ലൊ

Read more...

Thursday, February 26, 2009

കുയില്‍ ചെയ്യേണ്ടിയിരുന്നത്‌

ഇനി മുതല്‍
കാക്കയായി ജീവിച്ചാല്‍
മതിയെന്ന്‌
കുയിലിന്‌
ഒരു ഉത്തരവ്‌ കിട്ടി

പാടരുത്‌
നെരം വെളുക്കുകയാണെന്ന്‌
കരഞ്ഞാല്‍ മതി

വസന്തകാലം മറന്ന്‌
തളിരിലകള്‍ മറന്ന
ഒരു ജീവിതം
കുയിലിന്‌ സങ്കല്‍പിക്കാനായില്ല

അങ്ങിനെയാണ്‌ കുയില്‍.....

Read more...

Wednesday, February 11, 2009

അടുപ്പം

അവര്‍
ആദ്യമായി
കാണുകയായിരുന്നു
എന്നാലും
ഒരു കവിത
രണ്ടു ദേശങ്ങളിലുന്ന്‌
കുട്ടിക്കാലത്ത്‌
പഠിച്ചിട്ടുണ്ടായിരുന്നതിനാലാവാം
പരസ്‌പരം എളുപ്പം മനസ്സിലായത്‌

Read more...

Tuesday, December 30, 2008

അടച്ചിട്ട ജാലകങ്ങള്‍

ഇളവെയിലില്‍
മൂത്രശങ്കക്കിരിക്കുന്ന
മുത്തച്ഛനില്‍ നിന്നു മാറി
സങ്കോചപ്പെട്ടു നിന്നിരുന്നു അവള്‍

മലയാളം മാഷ്‌
വെട്ടിത്തിരുത്തിയ കവിത
എന്നെ കാണിച്ച്‌
നൊമ്പരപ്പെട്ടിരുന്നു

ചിറകൊടിഞ്ഞ ഒരു പരുന്തിനെ
പരിചരിച്ച്‌
ഒഴിവുകാലം മറന്നിരുന്നു

ഇന്നലെയായിരുന്നു
അവളുടെ മടക്കം

മേശപ്പുറത്തെ തിരികെ വന്ന
കവിതയില്‍ നിറയെ
ക്ലാസ്സിലെ അടച്ചിട്ട ജാലകങ്ങളായിരുന്നു

Read more...

Wednesday, December 24, 2008

ദശാവതാരമില്ലാതെ


.
.
.
.
.
.
ചരിത്രത്തെ
ദീര്‍ഘചുംബനത്താല്‍
പ്രണയിച്ച്‌
ഒരു ചിത്രം കൊണ്ട്‌
രാജന്‍
അനശ്വരനായി
.
കമലഹാസന്‌
ഒരു നൂറു ചിത്രമെങ്കിലും
വേണ്ടി വന്നു
ദശാവതാരവും കടന്ന്‌
അത്രയും കാലം
ജീവിക്കാന്‍
.................................................................
വര്‍ത്തമാനം ആഴ്‌ചപ്പതിപ്പ്‌-305 /21-12-2008

Read more...

Tuesday, September 16, 2008

കറുപ്പും കവിതയും

കപ്പലണ്ടിക്കാരനോട്‌
മാംസം വില്‍പക്കാരി
പറഞ്ഞതറിയാതെ-
കപ്പലോട്ടകാരനോട്‌
മന്ത്രിമാര്‍ പറയുന്നതു മാത്രമോ-
ഈ കറുത്ത കാലത്തിന്റെ
കറുത്ത അക്ഷരങ്ങള്‍

(തെരുവില്‍ ചത്തവന്റെ
പട്ടാളമാണോ
ഈ ഉറുമ്പിന്‍ കൂട്ടങ്ങള്‍)

-വര്‍ത്തമാനം ആഴ്‌ചപ്പതിപ്പ്‌(07-09-2008 -ഞായര്‍)

Read more...

Wednesday, June 11, 2008

പ്രാര്‍ത്ഥന

വര്‍ഷങ്ങള്‍ക്കു മുമ്പ്‌
ഒരു കൂട്ടുകാരിയുടെ മുന്നില്‍ വെച്ച്
അവന്‍ അനുജനെ തല്ലി
അതൊരു പുഴക്കരയായിരുന്നു
അകന്നു പോയ അനുജന്‍
പുഴയിലാണെന്നു നാട്ടുകാര്‍
മറുനാട്ടിലാണെന്ന്‌
അയാളും ദൈവവും
ഒടുവില്‍ അയാള്‍ പരാജയപ്പെട്ടു
-ജയിലിലായി
പക്ഷേ
കഷ്ടമെന്നപ്പോള്‍
മറുനാടിനു തോന്നി,
മരിച്ച അനുജനെ
മറുനാടു കൊണ്ടുവന്നു
അന്നു പകല്‍
സൂര്യന്‍ ചിരിച്ചു
ആകാശം ചിരിച്ചു
അകന്നുപോയ അയാളുയെ ഭാര്യയും...
അതൊരു കവിതയാണെന്നു ഞാന്‍
കഥയാണെന്നയാള്‍

Read more...

Thursday, June 5, 2008

ഞാന്‍ ജീവിക്കുന്നത്‌

ഞാന്‍ ജീവിക്കുന്നത്‌
സംസ്‌കാര സമ്പന്നരും
ഹൃദയാലുക്കളുമായ
ചിലരുടെ ജീവിതം കണ്ട്‌
കൊതിച്ചിട്ടു തന്നെയാണ്‌
പെട്ടെന്നൊരു ദിവസം
കൂട്ടു കൂടുന്ന ഷെയര്‍ മദ്യത്തില്‍ വെച്ച്‌
ഒരു വയസ്സന്‍ പ്രൊഫസറുടെ
രണ്ടാം ഭാര്യയെ പ്രാപിച്ച കഥ പറയാനല്ല
ചീട്ടു നിരത്തി
ക്ലാവറും ഡെയിമനും തിരഞ്ഞ്‌
ഞായറാഴ്‌ചകളെ കൊല്ലാനല്ല
ഒരു ചെറിയ ഇച്ഛാഭംഗത്തെ
ആത്മഹത്യയോളം പെരുക്കി കാട്ടാനല്ല
പൈങ്കിളികഥകള്‍ കണ്ട്‌
ടി.വി.ക്കു മുമ്പില്‍ മരിക്കാനല്ല
ഞാന്‍ ജീവിക്കുന്നത്‌
അദൃശ്യമായ കാറ്റ്‌ കടലിനെ
തിരമാലകളാക്കി ഉയര്‍ത്തുംപോലെ
ക്ഷണികമെങ്കിലും
ഈ ജീവിതത്തിന്റെ
അതിര്‍ വരമ്പുകളില്‍ തട്ടി വീഴുമ്പോഴും
ഒരു ആനന്ദത്തെ മഴവില്ലുകളായി മനസ്സില്‍
സൂക്ഷിച്ചുകൊണ്ടാവും
ഞാന്‍ ജീവിക്കുന്നത്‌
ഗണികന്‍മാര്‍ക്ക്‌ അടയാളം പറയാന്‍
നഗരത്തിലെ നിരത്തില്‍
ഒരു മഹാന്റെ പ്രതിമയാകാനല്ല
സ്വപ്‌നവാദികളെ കൊന്ന
തീവ്രവാദികള്‍ ലോപിച്ച്‌
മന്ത്രവാദികളാവുമ്പോള്‍
ഓശാന പാടാനല്ല
ഒരു ഗാന്ധി ശുഷ്‌കിച്ചലഞ്ഞൊരു നാട്ടില്‍
വറുതിയില്‍ ചാടി മരിച്ചു വീഴാന്‍
പുലരുകില്ലെന്നൊരു മൊഴിയുമെന്നാലുമീ
ഇരുളില്‍ വെളിച്ചമായ്‌ ചിതറിവീഴാന്‍

Read more...

  © Blogger templates Newspaper III by Ourblogtemplates.com 2008

Back to TOP